Коронавируһу утары охсуһууга үлэлиир медиктэр федеральнай уонна эрэгийиэннээҕи эбии төлөбүрдэри ылаллар.
edersaas.ru
Хаҥалас улууһун Киин балыыһатын инфекционнай отделениетын сэбиэдиссэйэ Гавриил Петрович Парниковы кытары сибээстэһэ сылдьыбыппытыгар, Мохсоҕоллооххо баар Хаҥалас улууһун инфекционнай отделениетын үлэһиттэрэ бары федеральнай уонна эрэгийиэннээҕи төлөбүрдэри ылбыттарын туһунан иһитиннэрдэ. «Үлэлээбит кэммититтэн саҕалаан муус устардааҕы төлөбүрү кэмигэр ыллыбыт. Маны таһынан ыам ыйыгар бу ыйдааҕы федеральнай төлөбүр аҥаарын номнуо ыллыбыт. Телемэдиссиинэ көмөтүнэн туһанабыт. Өрөспүүбүлүкэтээҕи клиническэй балыыһа исписэлиистэриттэн сүбэ-ама ылабыт. Күн ахсын өрөбүлэ суох үлэлиибит. Анал харыстанар көстүүмнээх күнүстэри-түүннэри үлэлиир ыарахаттардаах. Бары үлэһиттэр оҕо отделениетыгар олоробут. Түгэнинэн туһанан, үлэлиир кэлэктииппэр махтаныам этэ», — диэн эбэн эттэ.
Билигин балыыһаҕа 7 киһи сытар, икки киһи үтүөрэн таҕыста.
edersaas.ru