Коронавирус пандемиятын кэмигэр муус устар иккис нэдиэлэтигэр сорох табаар атыыта 90% диэри түстэ. «Сбербаан» дьон тугу атыылаһарын кэтээн көрбүт чинчийиитигэр олоҕуран, баан пресс-сулууспата иһитиннэрии бэлэмнээтэ.
Ол курдук, массыына парковкатын уонна гараас атыыта 85,4%, гостиница өҥөтүнэн туһаныы 87,5%, таҥас-сап атыыта 93,1%, авиабилиэт 93,7%, сынньана барар туристическай путевка атыыта 97,4% түспүт. Ювелирнай киэргэллэри атыылаһыы 94,7% кыччаабыт.
Сибэкки, араас бэлэх-туһах, миэбэл атыыта, такси өҥөтүнэн туһаныы 60-69% намтаабыт. Кафе, бар, эрэстэрээн, чэгиэн, кэрэ буолуу салоннарын өҥөлөрүнэн туһаныы 70% аччаабыт.
Оттон телекоммуникационнай тэрили, аһы-үөлү, итирдэр утаҕы атыылаһыы биллэрдик элбээбит.
Өскөтүн дьиэҕэ олорор эрэсиим аны сайыҥҥа диэри өссө уһаатаҕына урбаанньыттар улахан аҥаардара эстэр кутталлаахтар.
Марианна Тыртыкова, «Саха сирэ» хаһыат, edersaas.ru
Хаартыска — drive2.ru
+1
+1
+1
+1
+1
+1
+1