Уопсастыба

Галина ВАСИЛЬЕВА: «Киһи кэрэхсиир ыйытыыта үгүс»



Владимир Путин суруналыыстары кытта пресс-кэмпириэнсийэтигэр гражданскай уопсастыба сайдыытыгар болҕомто уурулларын бэлиэтээтэ.

edersaas.ru

Бу туһунан СӨ Уопсастыбаннай балаататын чилиэнэ, ХИФУ доцена Галина Васильева санаатын үллэстэр:

Гражданскай уопсастыбаҕа кэммиэрчэскэйэ суох тэрилтэлэр, Уопсастыбаннай сэбиэттэр, араас түмсүүлэр киирэллэр. Онон кинилэр  үлэлэрин көдьүүһүгэр болҕомто ууруллара наада.  Киһи кэрэхсиир ыйытыыта үгүс. Маннык уопсастыба инники күөнүгэр сылдьар араҥаны кытта кэпсэтэн, дойду баһылыга дьону-сэргэни туох долгутарын билэр, истэр-көрөр. Миэстэтигэр үлэлии сылдьар дьон этэллэрэ-тыыналлара, тиэрдэллэрэ үгүс буоллаҕа. Ол да иһин көрсүһүү түөрт чааһы быһа барда. Босхо эмп тиэрдиллибэтин суруналыыстар дойду аҕа баһылыгар тиэртилэр. Онон эригийиэннэр уонна олохтоох былаастар сотору кэминэн эппиэттиллэрэ буолуо. Туризмы өйөөһүҥҥэ элбэх үбүлээһин тыырыллыбыт эбит. Уонна, биллэн турар, Саҥа дьылынан 7-гэр диэри саастаах оҕолорго бэлэх быһыытынан 5000  солк. төлөбүр оҥоһулларын туһунан Владимир Путин эрэннэриитинэн көрсүһүүнү түмүктээбитин бары да үөрэ иһиттибит.

Елена ПОТОЦКАЯ, «Саха сирэ» хаһыат, edersaas.ru

1
1

Санааҕын суруй