«Биир ньыгыл Арассыыйа» Судаарыстыбаннай Дуума быыбарыгар баартыйа испииһэгинэн аҥаардастыы Саха Өрөспүүбүлүкэтиттэн дьокутааты талар кыаҕы биэрбитэ. Онтон атын баартыйалар баартыйа испииһэгинэн дьокутааттары талыыга хас да эрэгийиэни холбообуттара.
Онон «Биир ньыгыл Арассыыйа» баартыйа быһаарыытынан, Саха сирэ баартыйа испииһэгинэн дьокутаат мандаатын ылар буолла. Бу мандааты мин Галина Иннокентьевна Данчиковаҕа биэрэбин диэн Ил Дархан Айсен Николаев инстаграмҥа страницатыгар суруйда.
Галина Иннокентьевна номнуо биэс сылы быһа Саха сирин олохтоохторун интэриэстэрин федеральнай таһымҥа көмүскүүр.
— Биһиги Галина Иннокентьевналыын өрөспүүбүлүкэ интэриэһин туруулаһыыга инники былааннары кэпсэттибит, — диэн Айсен Сергеевич эбэн суруйда.
edersaas.ru