Гайдаровскай пуорум: Саха сирин сыыппараны баһылаабыт эрэгийиэнинэн  билиннилэр

Москваҕа бу күннэргэ «Сыыппара чыпчаала» бириэмийэни туттардылар. Бу бочуоттаах наҕарааданы аан дойдутааҕы уонна Арассыыйатааҕы ааттаах-суоллаах экэнэмиистэрэ эспиэр быһыытынан көрөн-истэн сыаналаан, кимиэхэ туох иһин туттаралларын быһаараллар.

Саха сирэ сыыппараны саамай тэтимнээхтих баһылаабыт эрэгийиэн буоларын бэлиэтээн туран, анал бириэмийэ статуэткатын өрөрөспүүбүлүкэ Ил Дархана Айсен Николаевка уонна СӨ инновация, цифровой сайдыы уонна инфокоммуникационнай технология минииистирэ Анатолий Семёновка туттардылар. Өрөспүүбүлүкэ Аҕа баһылыга пуорум тэрийээччилэригэр уонна эспиэрдэргэ махтанан туран, Саха сиригэр сыыппара сибээһэ түргэн тэтимнээхтик сайдан эрэрин билиһиннэрдэ. «Ырааҕынан тайаан сытар мөлтөх суоллаах-иистээх, тыйыс усулуобуйалаах сиргэ инфраструктура сайдыыта мөлтөх буолан, социальнай-экэнэмиичэскэй сайдыыга, атын эригийиэннэргэ тэҥнээтэххэ, уустуктар бааллар. Онон сибээстээн, кэлиҥҥи сылларга өрөспүүбүлүкэбитигэр сыыппара сибээһэ кылгас кэм иһигэр муҥутуурдук сайынна. Нэһилиэнньэ 80 бырыһыанын 2024 сылга интэрнетинэн хааччыйыахтаах сорукпутун номнуо 2020 сылга ситистибит. Ханна олороруттан тутулуга суох, Саха сирин олохтооҕо күннээҕи олоҕор сыыппара сибээһинэн туһанарын ситиһэр инниттэн аны Уһук Хотугу, арктическай улуустар нэһилиэктэригэр үлэ барар», — диэн бэлиэтээтэ наҕарааданы ыла туран Ил Дархан Айсен Николаев. Бу үөрүүлээх сонуну СӨ Бырабыыталыстыбатын пресс-сулууспата иһитиннэрдэ.

Елена ПОТОЦКАЯ, «Саха сирэ» хаһыат, edersaas.ru