Ааспыт өрөбүллэргэ ГАИ үлэһиттэрэ Дьокуускай куоракка эриэйдэ оҥордулар. 150 массыынаны бэрэбиэркэлээтилэр.
«150- тан тахса массыына бэрэбиэркэлэннэ, онтон 20-тэ суол быраабылатын кэһэн административнай эппиэккэ тардыллыаҕа»,-диэн ГИБДД пресс-сулууспата биллэрэр.
Арыгы иһэн баран уруулга олорбут икки суоппар тутуллубут. Кинилэргэ административнай боротокуол толоруллубут. Маннык эриэйдэ суол быһылаана элбээбитинэн оҥоһуллубутун туһунан ГИБДД үлэһиттэрэ бэлиэтээн эттилэр. Түмүккэ: «Өрөспүүбүлүкэ олохтоохторо, суолга сэрэхтээх буолун. Суол быраабылатын кэһимэн»,- диэтилэр.
Николай ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1