Гагариннааҕы уокурукка үтүө санаа этэрээтэ баар
Олох-дьаһах

Гагариннааҕы уокурукка үтүө санаа этэрээтэ баар

Үтүө санаа сылынан киин куорат Гагариннааҕы уокуругар управление начаалынньыга Руслан Платонов көҕүлээһининэн, быйыл саас кулун тутартан кыбартааллары тупсаран оҥорууга, соҕотоҕун олорор бэтэрээннэргэ, элбэх оҕолоох ыалларга, кыаммат араҥаҕа көмөнү тэрийэргэ эдэр актыбыыстары, үлэ кэлэктииптэрин түмэр “Үтүө санаа анал этэрээтэ” («Спецназ добра») бырайыагынан балачча үлэ ыытылынна.

edersaas.ru.

— Бырайыак чэрчитинэн, биһиги социальнай партнербутун, аэропорду, кытары барыта уон үс эбийиэги, ол иһигэр олорор дьиэлэр тастарыгар оҕо оонньуур үс комплексын, 120 миэтэрэ усталаах мас тротуары оҥордубут. Уокурук эдэр актыбыыстарын кытары «Созвездие» библиотека олбуоругар бэсиэккэни, ыты дьаарбатар анал сири туттубут, оҕо оонньуур былаһааккаларын өрөмүөннээтибит, —диир Руслан Михайлович.

Уокурук олохтоохторо эдэр салайааччы үтүө саҕалааһынын үөрэ-көтө көрүстүлэр, туох кыалларынан көмөлөһө, кыттыһа сатыыллар. Тоҕо диэтэххэ, бу барыта кинилэр олорор усулуобуйаларын тупсарарга, куораты киэргэтэргэ ананарын үчүгэйдик өйдүүллэр.

Раиса Сибирякова, “Саха сирэ” хаһыат, edersaas.ru.

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

два × 4 =