Нам улууһун сиригэр-уотугар, Маҕан бөһүөлэгиттэн 30-ча килэмиэтирдээх сиргэ айылҕа баһаара буолбут, гаас ситимин харыстыыр соруктаах анал үлэһиттэр умуруора барбыттар диэни истээт, “Эдэр саас” саайт үлэһиттэрэ “Сахатранснефгаз” пресс-сулууспатын кытта сибээстэһэ сырыттыбыт.
Пресс-сулууспа салайааччыта Айталина Никифорова: “Ойуур баһаара тахсыбыт сирин «Сахатранснефтегаз» тэрилтэ тирэх пуунун дьуһуурунайа булан, Киин дьиспиэччэрдэр управлениеларыгар иһитиннэрбитэ. Биригээдэ куруук миэстэтигэр үлэлэлиир. Тута аварийнай түмсүү хомуллубута, билигин миэстэтигэр баһаары умуруорууга үлэлииллэр. Эбии Арассыыйа ЫБММ, Авиалесоохрана күүһэ, сириэстибэтэ сыһыарыллыбыта. Туох баар тиэхиньикэ, тэрил барыта баар”, — диэн иһитиннэрдэ.
Людмила ПОПОВА, “Саха сирэ” хаһыат, edersaas.ru