Гаас Саха сирин 4600 дьиэтигэр босхо тардыллыаҕа.
Ньиэп уонна гаас бырамыысыланнаһын үлэһиттэрин күнүн көрсө “Сахатранснефтегаз” хампаанньа үөрүүлээх мунньаҕа буолла. Көрсүһүүгэ дьоһун суолталаах сыыппаралары иһитиннэрдилэр: чугастааҕы икки сылга 4600 ыалга гааһы босхо тардыахтара, Нерюнгри, Алдан, Өлүөхүмэ уонна Ленскэй оройуоннарыгар 30 нэһилиэнньэлээх пууну гааска холбоотулар.
СӨ бырамыысыланнаска уонна геологияҕа миниистирэ Максим Терещенко бэлиэтииринэн, икки дьоһун торум баа – гааһынан бигэтик хааччыйар туһуттан Кыһыл Сыыр – 84 км гаас утаҕын ту уу саҕаланар.
“Госдуума дьокутаата Галина Данчикова өйөбүлүнэн саҥа гаас утаҕын тутууну үбүлээһин боппуруоһа быһаарыллыаҕа. Маны сэргэ убатыллыбыт гааһы оҥорор собуоту тутууга технико-экэнэмиичэскэй докумуон бэлэмнэнэр.
“Сахатранснефтегаз” хампаанньа генеральнай дириэктэрэ Алексей Колодезников РФ Бэрэсидьиэнин Владимир Путин Анал этиитин туһунан этэригэр тэрилтэ оҥорон таһаарыы саҥа таһымыгар тахсан, нэһилиэнньэлээх пууннары уонна дьиэ хаһаайыстыбаларын гаастыаҕа.
“Чугастааҕы икки сылга күөх төлөн өрөспүүбүлүкэ 4600 олохтооҕун дьиэтигэр умайыаҕа. Бу иннинэ сылга 1000 тахса дьиэҕэ гаас киллэриллэрэ”, — диэтэ Алексей Колодезников. – Саҥа килийиэннэри кытта үлэҕэ офис тутуллар.
“Сахатранснефтегаз” АЛРОСА АК Накыыннааҕы баайдаах сирин гаастааһыҥҥа бырайыактаах, бу алмаас бырамыысыланнаһын сайдыытыгар көмөлөһүөҕэ.
Госдуума дьокутаата Галина Данчикова дьиэни бас билээччилэр сир учаастактарыгар диэри гааһы босхо тардыыга тохтоото. РФ Бэрэсидьиэнэ ыалларга гааһы тардыыга чопчу былааны оҥрорго эппитэ. Бэс ыйын 11 күнүгэр Владимир Путин сир учаастактарыгар диэри гааһы тардыыга гаастааһын биир оператора дьарыктаныаҕа диэн туһааннаах сокуону таһаарда. Тэрилтэни кытта кэлимсэ дуогабары Саха сирин олохтоохторо “биир түннүк” бириинсибинэн түһэрсиэхтэрэ.
Андрей Макаров
Бэлэмнээтэ Женни Стрюкова