Гааһынан сапыраапкалыыр 50 саҥа ыстаансыйа тутуллуоҕа

Бөлөххө киир:

Саха сиригэр тырааныспары гаас оттукка көһөрөргө, ону хаҥатарга 3,3 мөлүйүөн солкуобай үп ирдэнэр. Маны ситиһэргэ федеральнай киинтэн 810 мөлүйүөн солкуобай, эрэгийиэн таһымыгар – 590 мөлүйүөн солкуобай, бүддьүөт тас өттүттэн 1,9 миллиард солкуобай үп көрүллүөҕэ.

edersaas.ru


Тырааныспары гаас оттукка көһөрүү кэнсиэпсийэтэ РФ Бырабыыталыстыбатыгар дьүүллэһиллибитэ. Ол чэрчитинэн, өрөспүүбүлүкэҕэ гааһынан сапыраапкалыыр инфраструктура сайдыахтаах.

СӨ Бырабыыталыстыбатын бэрэссэдээтэлэ Владимир Солодов: «Билиҥҥи туругунан, өрөспүүбүлүкэҕэ гааһынан сапыраапкалыыр 48 ыстаансыйа үлэлиир. Бырагыраама олоххо киирдэҕинэ, өссө 50 баар буолуоҕа», — диэн эттэ.

Айылҕа гааһын туттуу тырааныспар ороскуотун 15-25% кыччатар, ону таһынан, тулалыыр эйгэни токсичнай буруонан киртитиини аҕыйатар диэн  иһитиннэрэр СӨ Ил Дарханын уонна бырабыыталыстыбатын пресс-сулууспата.

Марианна ТЫРТЫКОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0