Маны аах Уопсастыба

Үгүс улууска интэриниэт тубуста. Тоҕо?

Өрөспүүбүлүкэбит улуустарыгар интэриниэт ситимин тупсарыыга сөптөөх үлэ ыытыллар.

«Хас биирдии улууска, хас биирдии нэһилиэккэ  түргэн интэриниэт хайаан да баар буоларыгар сөптөөх үлэни ыытабыт.  Бу коронавирус дьаҥын кэмигэр ордук наадаалаах, тоҕо диэтэххэ,  билигин дьон үксэ Судаарыстыбаннай  өҥөнү анал портал көмөтүнэн оҥорор.  Балары хааччыйар инниттэн уонна нэһилиэктэргэ  сибээс, интэриниэт тупсарын туһугар, МТС хампаанньа өрүү болҕомтотун ууран үлэлиирэ  махталлаах дьыала», — диэн СӨ инновацияҕа, сыыппараны сайыннарыыга миниистирэ  Анатолий Семенов быһаарар.

2021 сылга бастакы кыбаарталтан саҕалаан үһүс кыбаарталга  диэри  МТС хампаанньа  көмөтүнэн Дьокуускайтан саҕалаан 9 куоракка уонна 18 бөһүөлэккэ, ону тэҥэ, Алдан, Үөһээ Бүлүү, Горнай, Сунтаар, Ньурба, Бүлүү, Томпо, Өймөкөөн, Хаҥалас, Уус Алдан, Мэҥэ Хаҥалас, Чурапчы, Таатта, Мииринэй, Амма, Кэбээйи, Ленскэй, Нам уонна Өлүөхүмэ улуустарын 65 нэһилиэнньэлээх пууннарыгар интэриниэт  тупсарыллан бэриллэрэ ситиһилиннэ.  Ити этиллибит нэһилиэктэргэ  интэриниэт кыамтата 100 Мбит/c буолла.

edersaas.ru

 

 

0
0