Бэҕэһээ Арассыыйа сүүмэрдэммит хамаандата Нациялар лигаларыгар Турция хамаандатын 2:1 ахсаанынан кыайда.
Трабзон стадионугар хаһаайыттар боруоталарыгар бастакы мээчиги Денис Чернышев 13-һүс мүнүүтэҕэ киллэрэн, хамаандатын инники таһаарар. Ол эрээри бастакы түһүмэх бүтүүтэ Сердар Азиз ахсааны тэҥнээтэ —1:1. Хамаанда хапытаана Артем Дзюба бу да сырыыга баарын биллэрдэ — 49-с мүнүүтэҕэ кыайыылаах мээчиги киллэрдэ.
Санатан эттэххэ, аан дойду чөмпүйэнээтигэр бэлэмнэнии иитинэн, Арассыыйа хамаандата туроктарга табаарыстыы көрсүһүүгэ хотторон турар.
Өйүүн, балаҕан ыйын 10-гар, футболистарбыт Дон Ростовугар Чехия хамаандатын кытта хонтуруоллуур оонньууга көрсүһүөхтэрэ.
Роман Попов.
Хаартыска Интэриниэттэн ылылынна.
+1
+1
+1
+1
+1
+1
+1