Францияттан кэлбит устудьуоннар экология кэмитиэтин иниспиэктэрдэрин кытары эриэйдэҕэ сырыттылар. Бу туһунан СӨ Экологияҕа министиэристибэтэ иһитиннэрэр.
Экологияны кэтээн көрүү кэмитиэтин иниспиэктэрдэрин В.В.Давыдованы, В.В.Пономареву, «Биологическай ресурсаларга дириэксийэ» ГБТ иниспиэктэрэ Г.И.Оконешниковы кытары «Кэҥкэмэ» ураты харыстанар сиргэ эриэйдэ оҥоһуллубут. Бу эриэйдэҕэ Францияттан кэлбит устудьуоннар: Анни Сибер уонна Максим Лестер, кинилэри кытары юридическай факультет устудьуона сылдьыбыттар.
Манна Саха сиригэр ураты харыстанар сир-уот хайдах көрүллэрин-харайылларын, туох үлэ ыытылларын, экологическай үөрэхтээһин туһунан билиһиннэрбиттэр. Экологическай лааҕырга оҕолор суохтарын да иһин, салайааччы И.Захаровы көрсөн лааҕыр үлэтин-хамнаһын, соругун туһунан истибиттэр, сирин-уотун, эбийиэктэри көрбүттэр. Маны сэргэ, бэртээхэй хаһаайыстыбалаах Николаевтарга ыалдьыттаан, астына-дуоһуйа сэһэргэспиттэр итиэннэ кыратык от үлэтигэр холоммуттар. Иниспиэктэрдэр дьоҥҥо-сэргээҕэ баһаартан сэрэхтээх буолуу туһунан өйдөтөр-сүбэлиир үлэлэри ыыппыттар. Оттон устудьуоннар тулалыыр эйгэ харыстабылыгар ыытыллар үлэни көрөн-истэн биһирээбиттэр.
+1
+1
+1
+1
+1
+1
+1