Быйыл бэс ыйын 27 күнүгэр “Точка кипения – Якутск” ПКР “Тыа сирэ: кэлэр кэм мөссүөнэ” (салгыы –Форсайт) форсайт-сессия судаарыстыбаннай уонна муниципальнай былаас уорганнарын бэрэстэбиитэллэрэ, социальнай тэрилтэлэр үлэһиттэрэ, тыа хаһаайыстыбатын, иһитиннэрэр-коммуникационнай технологиялар, инновация уонна креативнай индустриялар исписэлиистэрэ, фермердэр, куорат көхтөөх олохтоохторо кыттыылаах ыытыллыаҕа.
Форсайт сыалынан Саха сирин тыатын сирин инники кэскилин маннык хайысхаларга торумнааһын буолар:
1. Оҥорон таһаарыы (тыа хаһаайыстыбата, астааһын-таҥастааһын, сонун табаардар);
2. Киһи хапытаала (доруобуйа харыстабыла, үөрэхтээһин, спорт);
3. Архитектура (саҥа моһуоннаах дьиэлэр, тупсаран оҥоруу, уопсастыбаннай эйгэ);
4. Култуура эйгэтэ (айар үлэ, үгэстэр, искусство);
5. Төрүт эйгэ (төрүт ас-үөл, көй салгын, экология).
Тэрээһин кэмигэр кыттааччылар бу хайысхаларынан арахсан, аныгы кэм барылын торумнуохтара.
Форсайт кыттыылаахтара тыа сирин олоҕун уйгутун үрдэтиигэ саҥа идеялары киллэриэхтэрэ.
Форсайт түмүгүнэн Саха сирин тыатын сирин аныгы көрүү олохтонуоҕа.
Ыҥырыллаллар тыа сирин сайдыытыгар интэриэстээх дьон.
Мустуу уонна регистрация 9:00
Саҕаланыыта 9:30
Кэлэр кэм бырайыактарын көрдөрүү 17:30
Форсайт буолар сирэ: “Точка кипения –Якутск” кэлэктиибинэн үлэ эйгэтэ (Ленин пр., 1, 2 этээс).
Тэрээһиҥҥэ кыттыыга ссылканан киирэн регистрацияланыҥ: https://Leader-id.ru/event/23220/
Тэрээһиҥҥэ кыттарга билсэр нүөмэргит: Стручков Ньургун Викторович, 8(4112)25-67-67 (үлэ төл.), anofutureinlustry@gmail/com