Өрөспүүбүлүкэ күнүн көрсө өрөгөй ырыатын ыллаан, флеш-мобка кыттыһарга ыҥырыы ыыппыппыт.
Саха Өрөспүүбүлүкэтин өрөгөйүн ырыата 2004 сыллаахха бигэргэммитэ. Хоһоонун саха норуодунай бэйиэттэрэ Савва Тарасов уонна Михаил Тимофеев суруйбуттара, оттон Владимир Федоров нууччалыы тылбаастаабыта, матыыбын композитор Кирилл Герасимов айбыта.
Флеш-мобка кыттыыны ылбыт «Туймаада» судаарыстыбаннай ансаамбылга, Суорун Омоллоон аатынан Опера уонна Балет тыйаатырын опера солиһыгар, Арассыыйатааҕы уонна норуоттар икки ардыларынааҕы куонкурустар лауреатыгар, СӨ үтүөлээх артыыһыгар Александр Емельяновка, СӨ Муусука Үрдүкү оскуолатын үөрэнээччилэригэр, Уус Алдан улууһун Тулуна оскуолатын бастакы кылааһын үөрэнээччитигэр Валерия Акимоваҕа уонна Чурапчы улууһун Дириҥ норуодунай хорун, «Күбэй» бэтэрээннэр хорун (салайааччылар — СӨ култууратын туйгуна, үлэ бэтэрээнэ Наталья Аммосова, СӨ култууратын үтүөлээх үлэһитэ Фекла Попова, концертмейстер — СӨ култууратын туйгуна Прокопий Тарабукин) ырыаһыттарыгар улахан махталбытын тиэрдэбит.
Өрөспүүбүлүкэбит күнүнэн эҕэрдэлиибит!
Видео:
edersaas.ru