ФИФА аан дойду символическай сүүмэрдэммит хамаандатын састаабын билиһиннэрдэ

ФИФА Арассыыйаҕа ыытыллыбыт аан дойду чөмпүйэнээтин түмүгүнэн спорду сэҥээрээччилэр ортолоругар аан дойду символическай хамаандатын сүүмэрдээһиҥҥэ куоластааһыны ыытта. Бу күннэргэ ол түмүгүн билиһиннэрдэ.

Саамай элбэх куолаһы Хорватия футболиһа Лука Модрич ылла.

Символическай хамаандаҕа Арассыыйа футболистара суохтар.

Сүүмэрдэммит хамаанда састааба маннык буолла: вратарь Тибо Куртуа (Бельгия), көмүскэниигэ: Диего Годин (Уругвай), Марсело (Бразилия), Тьяго Силва (Бразилия), Рафаэль Варан (Франция), полузащитаҕа: Филиппе Коутиньо (Бразилия), Кевин Де Брёйне (Бельгия), Лука Модрич (Хорватия), форвардар: Гарри Кейн (Англия), Килиан Мбаппе (Франция), Криштиану Роналду (Португалия).

Быйылгы чөмпүйэнээт Кубогын хаһаайыннарынан Франция футболистара буоллулар. Кинилэр түмүк оонньууга хорваттары 4:2 ахсаанынан хоппуттара.

Роман Попов, «Саха сирэ» хаһыат, edersaas.ru