Доруобуйа

Феодосия Иванова ыарыыны сэрэтэр быһыыны ыларга сүбэлиир

СӨ Доруобуйа харыстабылын министиэристибэтин штаты таһынан кылаабынай онколога, мэдиссиинискэй наука хандьыдаата Феодосия Гаврильевна Иванова ковиды утары быһыыны ылар наадатын санатар.

edersaas.ru

— Дойдуга эпидемиология балаһыанньата уустугурбутунан сибээстээн, онкология Саха сиринээҕи диспансера искэн ыарыылаах дьону Ковид-19 ыарыыттан быһыы ыларга ыҥырар. Ол эбэтэр ремиссия түһүмэҕэр уонна таргетнай, иммуноонкологическай эмтэниини бара сылдьар дьон быраас көҥүллээтэҕинэ ылыахтарын сөп.
Искэннээх ыарыһахтар ковидынан ыалдьар түбэлтэлэригэр тустаах эмтэниини (химиотерапия, сардаҥа терапията, хирургия орооһуута) тохтоторго күһэллиллэр.
Арассыыйа Доруобуйаҕа харыстабылын министиэристибэтин быстаах кэмнээх методическай сүбэтинэн, кинилэр «Гам-КОВИД-Вак» (Спутник V) ылаллар. Онтон быһыы ылыах иннинэ ыалдьан хаалар түбэлтэҕэ алта ыйынан ыларга сүбэлиибит.

Надежда ЕГОРОВА, «Саха сирэ», edersaas.ru

0
0