Бэлиитикэ Маны аах

Феодосия Иванова: «Ордук элбэх өйөбүл Уһук Илин уокурук олохтоохторугар көрүллүбүт»

 Дьокуускайдааҕы искэн диспансерын  химиотерапияҕа отделениетын сэбиэдиссэйэ Феодосия Иванова Владимир Путин пресс-кэмпириэнсийэтин тула санаатын үллэстэр:

— РФ Бэрэсидьиэнэ Владимир Путин пресс-кэмпириэнсийэтин саҕаланыаҕыттан бүтүөр диэри көрдүм, иһиттим.  Түөрт чаас устата суруналыыстар  ыйытыыларыгар  итэҕэтиилээхтик хоруйдаата.  РФ Бырабыыталыстыбатын  үлэтэ барыта дьон олоҕо тупсарын туһугар ананан ыытыллар. Ордук элбэх өйөбүл Уһук Илин уокурук  олохтоохторугар оҥоһуллубут.  Чэпчэки бырыһыаннаах ипэтиэкэ, ийэ хапытаала, уо.да.а көмөлөрү ааттаталыахха сөп. Онон элбэх үлэ барар. Ону сэргэ, инники өттүгэр ыытыллыахтаах үлэлэри эмиэ кэпсээтэ. Кэпсиирэ-ипсиирэ холкута, билиитин-көрүүтүн таһымын үрдүгэ үлэ дьонун астыннарар. Түгэнинэн туһанан, Сахам сирин ытык-мааны олохтоохторун саргылаах Саҥа дьыл салаллан иһэринэн ис сүрэхпиттэн итиитик-истиҥник эҕэрдэлиибин!

Владимир Путин Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев хамаандатын Уһук Илин социальнай-экэнэмиичэскэй эйгэтин сайдыытыгар сыралаах үлэтин түмүктэрин үтүөтүк сыаналаата.

 

 

0
0
Telegram @edersaas20