Үүммүт 2020 сылга фэн-шуй хайдах өҥү таларбытыгар сүбэлиир. Онон дьиэни киэргэтэргэ, хайдах өҥнөөх иһити-хомуоһу талан ыларбытыгар, кэтэр таҥаспытыгар-саппытыгар даҕаны болҕомтобутун ууран көрүөҕүҥ эрэ.
Күтэр сылыгар төрөөбүттэр – хара өҥү арыый тохтото түһүҥ. Ордук оруосабай, саһархай өҥнөр быйыл эйиэхэ ситиһиини аҕалыахтара.
Оҕус бэлиэтигэр төрөөбүттэр – от күөҕэ өҥтөн тэйэ түһүҥ. Үрүҥнүҥү араҕас (кремовай) ордук буолуо дииллэр.
Баабыр сылыгар төрөөбүттэр – халлаан күөҕэ өҥтөн тэйиччи туттуҥ. Эһиэхэ быйыл ордук сиэрэй, фиолетовай өҥнөр көмөлөһүөхтэрэ үһү.
Куруолук бэлиэтигэр төрөөбүттэр – кыһыл өҥтөн куотуҥ. Оруосабай, саһархай үчүгэйдэр. Саһархай доруобуйаны тупсарыа диэн суруллар.
Дракон – оранжевай өҥтөн ыраатара ордук. Хараҥа кыһылы кытары сиэрэй ситиһии кэлэригэр көмөлөһүөхтэрэ диэн бигэргэтэллэр.
Моҕой – хараттан кыратык ыраата түһүҥ. Саһархай, сырдык халлаан күөҕэ, персик өҥө ордуктар. Бу өҥнөргө тардыһыҥ, болҕомтоҕутун ууруҥ.
Дьөһөгөй сыла – от күөҕэ өҥтөн ыраата түһэргэр сүбэлииллэр. Маҕан, үрүҥ көмүстүү килэбэчигэс көмөлөөх өҥнөрүнэн буолуохтара.
Коза сылыгар төрөөбүттэр – оруосабай өҥҥө чугаһыы сатаамаҥ. Халлаан күөҕэ, сиэрэй үчүгэйдэр. Хараны субуоталарга кэтиэххин сөп. Ситиһиилэниэххит диэн этэллэр.
Эбисийээнэ сылыгар төрөөбүттэр – кыһыл өҥҥө дураһыйымаҥ. Саһархай, сырдык оруосабай ситиһии кэлэригэр көмөлөһүөхтэрэ. Ити өҥнөргө болҕомтоҕутун ууруҥ.
Бөтүүк сылыгар төрөөбүттэргэ – фиолетовай өҥ туһалыа суоҕа. Сырдык халлаан күөҕэ, сиэрэй, үрүҥ көмүстүү килэбэчигэс үчүгэйи түстүүргэ көмөлөһүөхтэрэ диэбиттэр.
Ыт сылыгар төрөөбүттэр – от күөҕэ өҥҥө сууланымаҥ. Быйыл эһиэхэ кыһыл, маҥан, саһархай көмөлөрө улахан буолуо диэбиттэр.
Сибиинньэ сылыгар төрөөбүттэргэ – кыһылы кэтэ сатаамаҥ дииллэр. Саһархай ордук туһалыаҕа, көмөлөһүө диэн бэлиэтииллэр.
Хаартыска: roof-tops.ru