Ыам ыйын 8 күнүгэр, аан дойду саамай улахан социальнай ситимигэр, Фейсбукка, аатырбыт Рейхстаг үрдүгэр кыһыл былаах туруоруута түһэриллибит хаартыската сотторуллубут. Ону көрөн, ситим үгүс туһанааччылара сөбүлээбэтэхтэрин биллэрбиттэр.
edersaas.ru
Хаартысканы сотторуу биричиинэтэ хартыына үрдүгэр ыйыллан турар. Ону көрөн дьон айдаарбытыгар, чочумча буолаат, Фейсбук администрацията «көмпүүтэр алгоритмын сыыһатыттан» маннык тахсыбытын туһунан иһитиннэрбит. Коронавирус дьаҥа тарҕаммытынан, Фейсбук үгүс үлэһиттэрэ харантыыҥҥа барбыттар, онон ситимҥэ бобуулаах дьайыылары утары үлэ улахан аҥаарын нейросеть оҥорор диэн, ситим бэрэстэбиитэлэ быһаарбыт. “Тахсыбыт алҕас көннөрүлүннэ Бу сыыһабыт иһин, туһанааччыларбытыттан бырастыы гынаргытыгар көрдөһөбүт” диэн биллэриигэ этиллибит.
Егор Карпов, «Саха сирэ», edersaas.ru
+1
+1
+1
+1
+1
+1
+1