Федор Огоюкин аан дойду түһүлгэтигэр бастакы дьоһун кыайыыта (ВИДЕО)

Соторутааҕыта ACB (Absolute Championship Berkut) промоутер хампаанньатын тэрийиитинэн Москваҕа ыытыллыбыт бразильскай джиу-джитсуга аан дойду аһаҕас чөмпүйэнээтигэр Арассыыйаттан, Израилтан, Индияттан, Украинаттан, Казахстантан, Кыргызстантан, Узбекистантан, Турцияттан итиэннэ Арменияттан тыһыынчаттан тахса спортсмен кыттыыны ылла.

edersaas.ru

Бу турнирга Саха сирин чиэһин UAE JJF  федерациятын Continental PRO jiu-jitsu Europe диэн Европа түһүлгэтин кыайыылааҕа Федор Огоюкин соҕотоҕун тиийэн көмүскээтэ.

Саҥа саҕалаан эрэр спортсменнар ортолоругар 60 кг диэри ыйааһыҥҥа 27 байыас күрэстэспититтэн, 24 саастаах Таатта уола түһүлгэҕэ биэстэ тахсан Украинаттан, Узбекистантан уонна Арассыыйаттан сылдьар күөн көрсөөччүлэрин илиилээх-атахтаах оҥорбото, быһа кыайыылары сурунна.

“Федор күрэхтэһиигэ олус үчүгэй бэлэмнээҕэ, утарылаһааччыларын барыларын “үс муннук” диэн сөбүлээн туттар албаһын туттан бэриннэртээтэ, — диир тириэньэрэ, “Император” кулууп салайааччыта  Александр Стручков. – Салгыы маннык дьаныһан дьарыктаннаҕына, Федор 5-6 сылынан аан дойду таһымнаах маастардары кытта тэҥҥэ киирсэр буолуоҕа дии саныыбын. Маныаха киниэхэ күүс-уох, тулуур, дьулуур барыта баар”.

Билигин Федор халлаан күөх курга аттестацияны ааһыахтаах.

Роман Попов, edersaas.ru

Хаартыска Интэриниэттэн ылылынна.