Федор Борисов: «Коррупцияҕа түбэспиттэргэ накаастабылы кытаатыннарыахпыт»

Ааптар: 
Бөлөххө киир:

Борокуратуура күнүгэр Саха Өрөспүүбүлүкэтин борокуруорун бастакы солбуйааччы Айдар Ивановтан ылбыт интервьюбутугар кини: «Коррупцияны утары сокуону кэһии үксэ муниципальнай уонна судаарыстыбаннай сулууспалаахтарга тахсар: дохуоттарын, ороскуоттарын туһунан ыспыраапкаларын биэриилэригэр, чунуобунньуктар коммерческай тэрилтэлэргэ кыттыыларыгар, үлэ дуогабарын түһэрсиигэ», — диэн этэн турардаах.

Вера МАКАРОВА, «Саха сирэ», https://edersaas.ru/ 

Борокуруор ити этиитин бигэргэтэн, Ил Дархан уонна Бырабыыталыстыба дьаһалтатыгар тохсунньу 24 күнүгэр буолбут мунньахха кытаанах кэпсэтии буолла. Дьаһалта салайааччыта Федор Борисов, бэйэтэ өр сылларга борокуратуура уорганнарыгар сулууспалаабыт киһи, былаас уорганнарын дуоһунастаах дьоно коррупцияны утары сокуону элбэх  кэһиилэрэ булуллубутун  Коррупционнай буруйдары сэрэтэр управление үлэтэ күүһүрбүтүнэн быһаарда.

Статистика көрдөрөрүнэн, 2015 сылга коррупцияны утары сокуону кэһэн, 15 салайааччы, оттон ааспыт 2016 сылга 27 салайааччы дьиссипилиинэ эппиэтинэһигэр тардыллыбыт.

«Мантан инньэ коррупцияны утары сокуону кэһээччилэргэ «сымнаҕас» кадровай политиканы тохтотон, дуоһунаһыттан көрбөккө, накаастабылы кытаатыннаран иһиэхпит, — диэтэ Федор Михайлович, — итэҕэли сүтэрбитинэн үлэтиттэн ууратыыга тиийэ миэрэ ылыахпыт».

Маны таһынан, Ил Дархан дьаһалынан, Коррупционнай буруйдары сэрэтэр управление бэрэбиэркэлэрин түмүгүн сонуннары киэҥник тарҕатар ситимнэргэ бэчээттээн, нэһилиэнньэҕэ тиэрдэр буолуохтара.

Вера МАКАРОВА, «Саха сирэ» хаһыат, https://edersaas.ru/  

Хаартыска: ЯСИА.

+1
0
+1
0
+1
0
+1
0
+1
0
+1
0
+1
0