Саха сирин баһылыга Федерация Cэбиэтин экэниэмикэ бэлиитикэтин бэрэссэдээтэлин кытта көрүстэ

Олунньу 28 күнүгэр Москваҕа Саха Өрөспүүбүлүкэтин Ил Дархана Айсен Николаев уонна  Арассыыйа Федерация Мунньаҕын Федерация Cэбиэтин экэниэмикэ бэлиитикэтин бэрэссэдээтэлэ Дмитрий Мезенцев оробуочай көрсүһүүлэрэ буолан ааста.

Өрөспүүбүлүкэ баһылыга сенаторы кытта Саха сирин социальнай-экэнэмиичэскэй сайдыытын сытыы боппуруостарын, ону тэҥэ эрэгийиэн сиригэр-уотугар ыытыллар суолталаах бырайыактары  дьүүллэстэ.

Айсен Николаев уонна Дмитрий Мезенцев Саха Өрөспүүбүлүкэтин Азия-Чуумпу акыйаан эрэгийиэнин дойдуларын кытта норуоттар икки ардыларынааҕы экэниэмикэҕэ сибээһи  сайыннарыыны кэпсэттилэр.

Көрсүһүүгэ Арассыыйа ФМ Федерация Cэбиэтин Аппараатын салайааччы Виталий Азаров эмиэ кытынна.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.