Сандал күннээх сааспыт айан-сырыы суолугар кыттыһан эрэр. Бүлүү суолун управлениета иһитиннэрбитинэн, Бүлүү федеральнай суолга муус устар 1 күнүттэн Таас Үрэх сэлиэнньэттэн (1310-с км) Иркутскай уобалаһын Верхнемарково бөһүөлэгэр (2146-с км) диэри учаастак сабыллар.
Тоҕо диэтэххэ, ити учаастакка өрөмүөн ыытыллар, буорунан көрөн сытар. Халлаан лаппа сылыйдаҕына, тимир көлөлөр сылдьалларыгар ыарахан буолар. Онон ити диэки барааччылар муус устар 1 күнүн иннигэр былаанныыргытыгар сүбэлииллэр.
Ону тэҕэ, муус устар 1 күнүттэн Бүлүү уонна Халыма федеральнай суолларга баар өрүстэри туоруур анал учаастактар түһүмэҕинэн сабыллыахтара. Билиҥҥи быһаарыынан, сүрүн икки суол тустаах учаастактарынан муус устар 15 күнүгэр диэри сырыы тохтуоҕа. Күн-дьыл туругуттан болдьох уларыйыан сөп. Учаастактарынан сырыы хаһан тохтуурун биллэрэн иһиэхпит.