Ил Дархан Айсен Николаев тыа сирин сайдыытын стратегическай хайысхаларын туһунан Ыйааҕар племенной салааҕа улахан болҕомтотун уурбута.
edersaas.ru
Өрөспүүбүлүкэҕэ племенной-силиэксийэлиир үлэни тэрийиигэ идэтийэр “Сахаагроплем” СБТ тустаах үлэтин утумнаахтык толорор. Бу күннэргэ уон племенной хаһаайыстыба федеральнай таһымнаах племенной сибидиэтэлистибэни туттулар. Ол иһигэр бааллар, сылгыны иитигэ: “Бараммат” кэпэрэтиип (Чурапчы), “Победа” ХЭУо (Таатта), И.Я.Строд аатынан уонна «Үрүйэ» кэпэрэтииптэр (Амма), «Бөртө сылгы собута» ХЭУо (Хаҥалас), «Танда» кэпэрэтиип (Уус Алдан), «Борохой» уонна «Кэскил» кэпэрэтиптэр (Нам), отон ынах сүөһүнү иитиигэ: «Туймаада» экопиэрмэ ХЭУ (Дьокуускай) уонна «Саха сүөһүтэ» ГХТ.
— Биһиги уон хаһаайыстыбабыт федеральнай хонтуруол бары ирдэбиллэрин толороннор, боломуочуйаларын уһатары ситистилэр, – диир «Сахаагроплем» хаһаайыстыба Силиэксийэлиир киинин начальнига Анатолий Заболоцкай. – Федеральнай таһымынан ирдэнэр буолан, судаарыстыба племрегистрин толорор судургута суох дьыала, ол эрээри, утумнаахтык үлэлээммит, көрдөрүүнү төрүт намтаппаккабыт, салгыы үлэлиир кыахтанныбыт.
Раиса Сибирякова, «Саха сирэ», edersaas.ru