Хаартысканы Елена Прокопьева тиксэрдэ.
Өр күүтэн, санааҕа иитиэхтээн,
Өрөгөй чаас үүнэн, күлүмнээн,
Искибиэр аһыллан дьэ үөртэ,
Ис дууһа үөрүүтүн үрдэттэ!
Дьоруойбут Сүөдэрбит дьэ турда,
Бигэтик миэстэтин булунна,
Дьокуускай куораппыт аатырда,
Баатырын хонноҕор ылынна!
Сүүһүнэн дьон манан ааһыаҕа,
Сүһүөхтүүн сүгүрүс гыныаҕа,
Кэнчээри ыччаппыт көрүөҕэ,
КИНИлиин кэпсэтэн үөрүөҕэ!
Бүттүүн сахабыт норуота
Бу манна көрсүһэр буолуоҕа,
Мэҥэбит Дьоруойун ааттата,
Мантан дьол ыллыгын булуоҕа!
Елена Прокопьева, Мэҥэ Хаҥалас, «Таммахтар» айар холбоһук.
+1
3
+1
+1
+1
+1
+1
+1