М.К.Аммосов аатынан Хотугулуу-Илиҥҥи федеральнай университет ректора Евгения Михайлова ахсынньынан болдьоҕо бүтэр диэн иһитиннэрбиттэрэ. СИА суруйарынан, бэҕэһээ Ил Дархан Егор Борисов өрөспүүбүлүкэ бырабыыталыстыбатын былаанныыр мунньаҕар Евгения Михайлова ректор эбээһинэһин толорооччунан биир сыл үлэлэҕин туһунан эппит.
edersaas.ru
Санатан эттэххэ, ректор дуоһунаһыгар кандидатынан Педагогическай институт дириэктэрэ Алексей Голиков, Естественнэй наукалар институттарын дириэктэрэ Анатолий Николаев, Инженернэй-техническэй институт ректора Терентий Корнилов, ХИФУ стратегическай сайдыыга проректора Василий Саввинов бааллара. Дьэ, хайалара эрэ ананар диэн кэтэһэ сырыттахпытына, иллэрээ күн, РФ Үөрэҕин уонна наукатын министиэристибэтэ ХИФУ ректорын эбээһин толорооччунан Евгения Михайлованы аныырын туһунан бирикээһэ тахсыбыт. “Арассыыйа үөрэҕин уонна наукатын министиэристибэтэ Евгения Исаевна боломуочуйатын болдьоҕун тохтотор уонна ити дуоһунаска атын дьону бэлэмнии сылдьыбыттара. Биһиги туора киһини аныылларын баҕарбаппыт”, — диэн Егор Борисов эппитин СИА саайт суруйар. Толкуйдаатахха, эмиэ даҕаны сөптөөх дьаһал.
Людмила ПОПОВА, “Саха сирэ” хаһыат, edersaas.ru
Хаартыска интэриниэттэн.