Бүрээт биллиилээх бөҕөһө, норуоттар икки ардыларынааҕы кылаастаах спорт маастара, Европа нацияларын Кубогын хаһаайына, Европа чөмпүйэнээтин призера Евгений Жербаев сарсыҥҥыттан Красноярскайга саҕаланар Д.Г. Миндиашвили аатынан Тустуу академиятын бирииһигэр Бүтүн Арассыыйатааҕы турнирга кыттыбат буолла. Бэҕэһээ “БМК” ааҕыныстыба иһитиннэрбитинэн, Евгений Жербаев астан сүһүрэн балыыһаҕа киллэриллибит.
Кинини кытта бииргэ «ШулэнДо» кафеҕа аһаабыт спорт маастара Тамир Гармаев туруга үчүгэй, бу сарсыарда сүүмэрдэммит хамаанданы кытта Красноярскайга айаннаата.
Евгений тириэньэрэ Валерий Иванов эппитинэн, бөҕөс доруобуйатыгар куттал суоһаабат.
Биллэрин курдук, “ШулэнДо” кафеҕа аһаан 125 киһи сүһүрбүт, олортон 76-та балыыһаҕа сытар. 33 киһиэхэ «сальмонеллез» диагноз бигэргэммит.
Роман ПОПОВ, “Саха сирэ” хаһыат, edersaas.ru
+1
+1
+1
+1
+1
+1
+1