Евгений Захаров Дьокуускайга киис хантан кэлбитин быһаарда

Бөлөххө киир:

Бүгүн батсаап ситиминэн Дьокуускай иһигэр киис сылдьар видеота тарҕаммыта. Дьокуускайдааҕы научнай киин үлэһитэ, биологическай наука хандьыдаата Евгений Захаров бу хаһаайыныттан куоппут дьиэ кииһэ эбэтэр алҕаска куоракка киирбит киис диэн быһаарар.

«Киис бэйэтэ уратылардаах кыыл буолар. Холобура, киис оҕото хамсыыры барытын батыһар. Куттаммакка эрэ мээчиги, бэлисипиэттээх киһини эккирэтиэн сөп. Киис олус сонумсах кыыл. Бу кэмҥэ кинилэр саҥа сиргэ көһөллөр. Ону табан тайанан, эдэр кыыл кэрийэ баран хаалбыт буолуон сөп. Аны олоххо уопута суох буоланнар, куттамматтар. Онон өрүһү да туоруон сөп.

Иркутскайдааҕы кэллиэгэлэрим быһааралларынан, эдэр киис төрөөбүт сириттэн 100-200 км тэйиччи ыраатыан сөп эбит. Онон куораппытыгар киирбит киис тыаттан кэлбит буолуон сөп. Маны таһынан, бу кыыллар айылҕа уларыйарыттан, баһаартан, ас суоҕуттан, элбэх хаартан миграциялыыллар», — диэн Евгений Захаров этэр.

Дьокуускайдааҕы научнай киин пресс-сулууспата.

+1
0
+1
0
+1
0
+1
0
+1
0
+1
0
+1
0