Уопсастыба

Евгений Касперскай Тымныы полюһугар Өймөкөөҥҥө иккиһин кэллэ!

Бу күннэргэ аатырбыт программист Евгений Касперскай кэргэнин уонна 16 киһилээх бэйэтэ тэрийбит айан бөлөҕүн кытта Тымныы Полюһугар Өймөкөөҥҥө кэлэн ыалдьыттаан ааста.

Бу туһунан улуустааҕы «Северная заря» хаһыакка  аан дойду туристарын бэйэтин дьиэтигэр көрсөр  кыраайы үөрэтээччи Тамара Васильева кэпсээтэ.

 

«Евгений Валентинович Өймөкөөҥҥө бу иккис сырыыта. Аатырбыт айанньыт бэйэтин бөлөҕүттэн бэһиэ буолан  -50 кыраадыс тымныыга өйүмүгэ сөтүөлээтэ.

 

Евгеий Касперский былырыын Өймөкөөҥҥө кэлэ сылдьыбыт сырыытын туһунан «туристар ийэлэригэр» Тамара Васильеваҕа кинигэ таһаарбытын бэлэх уунна», — диэн суруйар «Северная заря» хаһыат.

Аатырбыт программист быйылгы бөлөҕө бүгүн Тымныы полюһуттан Магадантан Дьокуускайынан Байкалга тиийэр былааннаах айаҥҥа турунна.

 

 

Елена ПОТОЦКАЯ, “Саха сирэ” хаһыат, edersaas.ru

 

Хаартыска (скриншот) — «Северная заря» хаһыат инстаграмыттан.

0
0
Telegram @edersaas20