Бу күннэргэ биллиилээх мадьыны Евгений Иванов Алтайга уонна Тываҕа ыытыллыбыт күрэхтэһиилэргэ ыҥырыллан тиийэн дьоһун кыайыылары ситистэ.
Ол курдук, Алтайга «Эл Ойын-2018» диэн XVI регионнар икки ардыларынааҕы норуот бырааһынньыгын чэрчитинэн Улаган сэлиэнньэҕэ буолбут тааһы көтөҕүүгэ күрэхтэһиигэ бэйэтин ыйааһыныгар тэҥнээҕин булбата. Евгений Иванов бастакы холонуутугар 142, салгыы 173 киилэлээх таастары көтөхтө.
Тыва киин куоратыгар ыытыллыбыт «Наадам» бырааһынньыкка 140, 150, 156 уонна 183 киилэлээх таастары утуу-субуу көтөҕөн ылан анал олохторго уурталааһыҥҥа эмиэ Нам баабыйын кытта тэҥҥэ туруулаһыах баара көстүбэтэ.
Салгыы Евгений Благовещенскай куоракка тиийэн пауэрлифтиҥҥа Илиҥҥи Азия Кубогар кыттыаҕа.
Роман ПОПОВ, «Саха сирэ» хаһыат, edersaas.ru
Хаартыскалар: Интэриниэттэн ылылыннылар
+1
+1
+1
+1
+1
+1
+1