Евгений Григорьев Дьокуускай куораты сайыннарыыга олохтоохтортон этиилэри күүтэр
Дьокуускай мэрин эбээһинэһин толорооччу Евгений Григорьев куораты сайыннарыыга ким туох этиилэрдээҕин, санаалардааҕын истээри, анал интэриниэт-приемнайы үлэлэтэн саҕалаата.
«Биһиги куораппытыгар олус өйдөөх, инники олохторун толкуйдуур дьоннор олороллор. Көрсүһүү кэмигэр куорат араас оройуоннарыгар олорор дьонтон Дьокуускайы сайыннарыыга араас интэриэһинэй этиилэр киирэллэр. Онон мин тапталлаах Дьокуускай куораппытын сайыннарыыга туһуламмыт этиилэри, идиэйэлэри хомуйарга сананным. Холобур, искибиэрдэри, олорор тиэргэни, уулуссалары саҥардыы, өрөмүөннээһин да боппуруостара буоллуннар. Онон эһиги этиилэргитин күүтэбин. Саамай наадалаах уонна интэриэһинэй идиэйлэри өйүөҕүм, олоххо киллэрэргэ үлэлэһиэҕим» , — диэн мэр эбээһинэһин толорооччу Евгений Григорьев эттэ.
Дьэ, онон бачча үчүгэй этиини мүччү туппакка, санааларгытын, этиилэргитин бу аадырыстарынан суруйан ыытыҥ:
— ideigorodu@mail.ru электроннай почтаҕа.
— WhatsApp: +79244624478
Суруккутугар хайаан да ааккытын-суолгутун, хантааккытын суруйуҥ. Этиилэргитин кытта хаартысканы эмиэ ыытыаххытын сөп.