Евгений Федоров Киин быыбардыыр хамыыһыйа бэрэссэдээтэлинэн буолла

Бөлөххө киир:

Бүгүн, сэтинньи 17 күнүгэр, Саха сиринээҕи Киин быыбардыыр хамыыһыйа (ЦИК) чилиэннэрэ саҥа бэрэссэдээтэли таллылар. Бэрэссэдээтэлинэн Евгений Федоров буолла.  Кини бу иннинэ СӨ Ил Дарханын уонна бырабыыталыстыбатын дьаһалтатын салайааччытын солбуйааччынан үлэлээбитэ.

Санатан суруйдахха, Федоров кандидатуратын Арассыыйа Киин быыбардыыр хамыыһыйата сэтинньи 13 күнүгэр мунньахха рекомендациялаабыта. Оттон бу иннинээҕи бэрэссэдээтэл Алексей Ефимов сэтинньи 10 күнүгэр, Ил Дархан Айсен Николаев этии киллэриитинэн, Саха сиринээҕи Конституционнай суут судьуйатынан буолбута.

Судаарыстыбаннай уорган чилиэннэрин кистэлэҥ куоластааһыннарын түмүгэр Евгений Федоров саҥа бэрэссэдээтэлинэн талылынна.

Кинини саҥа дуоһунаһынан Арассыыйа Киин быыбардыыр хамыыһыйатын сэкирэтээрэ Майя Гришина видео сибээһинэн эҕэрдэлээтэ.

Ил Дархан уонна Бырабыыталыстыба пресс-сулууспата.

+1
0
+1
0
+1
0
+1
0
+1
0
+1
0
+1
0