Дьокуускайга дьон куоластааһына көхтөөх, быыбардыыр учаастактарга, бэл, халыҥ соҕус уочараттар үөскүүллэр.
edersaas.ru
Билиҥҥи туругунан, киин куоракка 93 тыһ. 485 киһи бэйэлэрин гражданскай иэстэрин толордулар. Бырабыыталыстыба бэрэссэдээтээлэ Евгений Чекин кэргэнин кытары Национальнай бибилэтиэкэҕэ тэриллибит 709 №-дээх быыбардыыр учаастакка кэлэн куоластаатылар.
— Дойду баһылыгын талар быыбарга хас биирдии гражданин кыттыахтаах, — диир Евгений Чекин. — Билигин технология мөккүөрэ бара турарынан, уустук геополитическай быһыыга-майгыга олоробут. Ол иһин, дойдубут дьылҕата хас биирдиибит хайдах куоластыырыттан улахан тутулуктаах. Итини өйдөөн-дьүүллээн: “Дойдум дьылҕата быһаарыллар кэрдиис кэмигэр куоласпын сайдыы туһугар биэрбэтэҕим”, — диэн кэлин кэмсиммэт курдук быһаарыныахтаахпыт.
Раиса СИБИРЯКОВА, “Саха сирэ”, edersaas.ru
+1
+1
+1
+1
+1
+1
+1