Уопсастыба

Этноквест сэргэхсийиини таһаарда

А.Е.Кулаковскай аатынан норуоттар доҕордоһууларын дьиэтэ этнокултуура эйгэтигэр саҥаны киллэрии сэминээригэр кыттыыны ылла.

Тустаах тэрилтэ пресс-сулууспата иһитиннэрбитинэн, норуоттар доҕордоһууларын дьиэлэрэ уонна «Евразийские мосты дружбы объединяют народы» кэммиэрчэскэйэ суох тэрилтэлэр култуура бырайыагын ырытар, дьүүллэһэр былаһааккаларыгар «Этнокултуура эйгэтигэр саҥаны киллэрии: тэрийэр-методическай көрүүлэр» сэминээр-практикумнара куйаар ситиминэн ыытылынна. Бырайыагы Бэрэсидьиэнин гранын пуондатын, Арассыыйа норуоттарын ассамблеятын, Евразия норуоттарын ассамблеятын, ону сэргэ инники күөҥҥэ сылдьар доҕордоһуу дьиэлэрин, национальнай култууралар кииннэрин, о.д.а. өйөбүллэринэн «Сенежскэй форум» Арассыыйатааҕы уопсастыбаннай хамсааһынынан олоххо киллэриллэр.

Сэминээргэ хардарыта сибээстээх үлэни, этнокултуура эйгэтигэр саҥаны киллэриигэ бииргэ үлэлээһини, о.д.а. боппуруостары дьүүллэстилэр. Кэпсэтиигэ тэрилтэлэр салайааччылара, үлэһиттэрэ, көхтөөх дьон кыттыыны ыллылар. Сэминээр быйыл муус устар 6 күнүгэр буолбут «Дом дружбы народов — территория содружества и общественной дипломатии» эстэпиэтэни салгыыр.

А.Е.Кулаковскай аатынан норуоттар доҕордоһууларын дьиэтэ күн судаар дьаамсыктарын туһунан история тиэмэтин өйүүр. Генеральнай дириэктэр Антонида Корякина норуоттар доҕордоһууларын дьиэтин уонна «Күн судаар дьаамсыктарын удьуордара» уопсастыбаннай тэрилтэ бырайыагын — «Күн судаар дьаамсыктарын суолларынан» ыччат этноквеһын дакылаатыгар билиһиннэрдэ.

Тэрээһиҥҥэ биэс оскуола хамаандата кытынна. Кинилэр оонньууга Дьокуускай-Табаҕа-Төхтүр-Улахан Аан-Покровскай буоста аартыгын аастылар. Бырайыак кыттыылаахтара маннык этноквест салҕанарыгар баҕаралларын биллэрдилэр.

 

0
0
Telegram @edersaas20