РФ Уһук Илин, Сибиир, Уһук хоту төрүт олохтоох аҕыйах ахсааннаах норуоттар этнокультурнай кииннэрин үлэлэрин көрөр эрэгийиэннэр икки ардыларынааҕы онус төгүлүн ыытыллар тэрээһин саҕаланна.
Бэс ыйын 19 күнүгэр А.Е.Кулаковскай аатынан норуоттар доҕордоһууларын дьиэтигэр этнокультурнай кииннэр үлэлэрин салгыы сайыннарыы туһунан кэпсэтиэхтэрэ, уус-уран оҥоһуктарга маастар-кылаастар ыытыллаллар, бэртээхэй быыстапка дьон-сэргэ болҕомтотун тардыа. Сарсын, бэс ыйын 20 күнүгэр, киэһээ 17.00 чаастан Намҥа этнокультурнай кииннэр үлэлэрин билиһиннэрии, сырдатыы буолуоҕа. Бэс ыйын 21 күнүгэр Дьокуускайга Орджоникидзе болуоссатыгар киэһээ 17.00 чаастан тэрээһин лауреаттарын улахан кэнсиэрэ күүтэр.
Тэрээһини СӨ Култуураҕа уонна духуобунай сайдыыга министиэристибэтэ, өрөспүүбүлүкэтээҕи норуот айымньытын дьиэтэ иилээн-саҕалаан ыыталлар. Тэрээһиҥҥэ сэттэ субъектан 80-ча кыттааччы кэлбитэ бэлиэтэнэр.
+1
+1
+1
+1
+1
+1
+1