Норуоттар доҕордоһууларын дьиэтигэр этнографическай дьыктаан суруйдулар
Бэҕэһээ, сэтинньи 3 күнүгэр, «Улахан этнографическай дьыктаан» норуоттар икки ардыларынааҕы аахсыйа ыытылынна.
Дьокуускайга «Улахан этнографическай дьыктааны» суруйарга соҕотох офлайн-былаһаакканан А.Е.Кулаковскай аатынан норуоттар доҕордоһууларын дьиэтэ буолла. Тэрээһиҥҥэ 12 национальнай-култуурунай түмсүүттэн бэрэстэбиитэллэр кытыннылар.
Норуоттар доҕордоһууларын дьиэтин пресс-сулууспата иһитиннэрбитинэн, тэрээһин кыттылаахтарыгар СӨ Тас сибээскэ уонна норуоттар дьыалаларыгар миниистири солбуйааччы Татьяна Пяткина, А.Е.Кулаковскай аатынан норуоттар доҕордоһууларын дьиэтин генеральнай дириэктэрин солбуйааччы Александр Колесов эҕэрдэлэрин тиэрдибиттэр, ситиһиилэри баҕарбыттар.
Сорудаҕы толорорго уопсайа 45 мүнүүтэ бэриллибит, кыттааччылар 20 ыйытыыга хоруйдаабыттар.
Санатан эттэххэ, «Народов много – страна одна!» диэн девиһинэн ыытыллар аахсыйа быйыл алтыс төгүлүн ыытыллар. Түмүк ахсынньы 12 күнүгэр биллиэхтээх.
+1
+1
+1
+1
+1
+1
+1