Бэрээдэк Уопсастыба

Этибиэркэнэн тирээбит халабырдьыты атыылаһааччы тутта



Дьокуускай куорат полициятын дьуһуурунай чааһыгар киэһэ 21.00 чаас саҕана иһитиннэрии киирбит. Лермонтов уулуссатыгар турар бородуукта маҕаһыынын халыы сатаабыт киһини туппуттарын туһунан. 

edersaas.ru

СӨ ИДьМ-тын пресс-сулууспата иһитиннэрбитинэн, ыйыллыбыт аадырыска тиийбит полицейскайдар көрбүттэрэ — скотчунан илиилэрэ кэлгиллибит халабырдьыт уонна кинини туппут киһи тураллар эбит.

Онно биллибитинэн, атыылаһааччы харчытын каассаҕа төлүү турдаҕына, эдэр киһи этибиэркэнэн моонньугар тирээбит уонна «это ограбление» диэн саҥалаах буолбут.

Онуоха баара, анараата мээнэ киһи түбэспэтэх — уруккута быраабы араҥаччылыыр уорганнарга сулууспалаабыт киһи буолан биэрбит — этибиэркэтин төлө охсубут уонна анал приёму туттан, халабырдьыты тутан ылбыт.

Урут сууттана сылдьыбыт бу 24 саастаах киһиэхэ «Халааһын» ыстатыйанан холуобунай дьыала тэриллибит.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
0

Санааҕын суруй