Эт сыаната 10% үрдүөн сөп. Тоҕо?
· - Олох-дьаһах

Эт сыаната 10% үрдүөн сөп. Тоҕо?

Дойду үрдүнэн куурусса, ынах, сибиинньэ этин сыаната, кырата, 10% үрдүөн сөп. Дьиэ харамайын эбии аһылыгын сыаната эбиллибитэ тута эт сыанатыгар охсорун туһунан Национальнай ас-үөл сойууһа иһитиннэрэр.

edersaas.ru


РФ Үбүн министиэристибэтэ ынах-сүөһү аһын тас дойдуттан киллэрээччилэргэ  үс сыллааҕы НДС нолуогун 4-7 миллиард солкуобайы эбии ааҕар санаалаах. Дьиҥэр, кинилэр кэккэ чэпчэтиинэн туһанан, 10% НДС төлүү олорбуттара. Биллэрин курдук, 2019 сылтан ити нолуок 20% тиийэн, сүөһү эбии аһын оҥорооччулар ороскуоттара улаатан таҕыста. Комбикорм сыаната кэлин 15% үрдээбитэ, өссө 5-7% эбиллэр чинчилээх диэн РФ Тыатын хаһаайыстыбатын министиэристибэтигэр этэллэр.

Эт сыанатын 60% ынах-сүөһү аһылыгыттан турар, онон сыана үрдүүрэ саарбахтаммат дииллэр биэдэмистибэҕэ.

Оттон Дьокуускай маҕаһыыннарыгар ыраахтан аҕалыллыбыт ынах этэ киилэтэ 450-500 солкуобай, сибиинньэ 360 солкуобай, куурусса 200 солкуобай. Олохтоох бородууксуйа 100-200 мөһөөгүнэн араастаһар сыаналаах этэ, ол аата сыанабыт итинтэн өссө ыарыыра күүтүллэр. Куорат кафеларыгар киһи ортотунан 300-350 эбиэттиир буоллаҕына, билигин ортотунан төһө сыанаҕа аһыырыҥ биллибэт.

 

Марианна Тыртыкова, «Саха сирэ» хаһыат, edersaas.ru

 

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

3 × три =