Доруобуйа Маны аах

Эстрада тыйаатырыгар «Вакцинация түүнэ» ыытыллыаҕа

Дьокуускайдаҕы 3-с №-дээх балыыһа Эстрада тыйаатырыгар «Вакцинация түүнэ» диэн аахсыйаны ыытарын иһитиннэрэр.

«Ыам ыйын 18 күнүгэр 21.00 чаастан сарсыарда 07.00 чааска диэри Эстарада тыйаатырын дьиэтигэр «Вакцинация түүнэ» аахсыйабытын ыытыахпыт. Сарсын 9 чаастан онно быһыыны биэрэр эбии пуун арыллыаҕа. Билиҥҥитэ аахсыйабыт тэрээһинин үлэтигэр сылдьабыт, туох баар ирдэбиллэргэ эппиэттиир анал тэриллэри илдьиэхпит. Баҕалаахтары ыҥырабыт», — диэн балыыһа сүрүн бырааһа Светлана Давыдова ыҥырара.

Аахсыйа, этиллибитин курдук, Дьокуускайга Эстрада тыйаатырыгар ыам ыйын 18-ттан 19-с үүнэр түүнүгэр,  итиэннэ ыам ыйын 21-ттэн 22-с күнүн үүнэр түүнүгэр уонна ыам ыйын 22-ттэн 23-с күнүн үүнэр түүнүгэр ыытыллыаҕа.

Быһыыны ылыан баҕалаахтар пааспаргытын, ОМС полиһын уонна СНИЛС илдьэ кэлэргит булгуччулаах. Эстрада тыйаатырын аадырыһа: Ленин проспегын 47-с дьиэтэ.

Маны таһынан, Дьокуускайдааҕы 3-с №-дээх балыыһа өрөбүлэ суох маннык аадырыстарынан быһыыны биэрэр:

— Лермонтов уул., 121;

— Хатас, Каландарашвили уул., 4/2;

— Табаҕа, Строительнай уул.,, 31;

— Эргэ Табаҕа, Лесная уул., 12.

Дьиэттэн сатаан тахсыбат уонна тырааныспарынан айаннаабат дьон дьиэҕэ биригээдэни ыҥыран быһыыны ылыахтарын сөп. 88002005454 уонна 506421 нүөмэрдэргэ эрийэн сайаапкалаһыҥ.

Быһыыны босхо биэрэллэр.

 

0
0