Өрөспүүбүлүкэҕэ «СулуSTAR» диэн ырыа күрэҕэ биллэрилиннэ. Кыайыылаах 100 тыһыынча солкуобайынан бириэмийэлэниэ.
Эстрада тыйаатыра иһитиннэрбитинэн, сайаапкалары кулун тутар 1 күнүттэн 10 күнүгэр диэри хомуйаллар. Кыттааччыларга ирдэбиллэр: 18 сааһыттан 35-гэр диэри. Биирдиилээн кыттааччылары таһынан, үс киһиэхэ диэри бөлөх кыттыан сөп.
Кыттааччылар Instagram сыһыарыыга ырыаларын таһааран баран, @sakhaestrada аккаунун уонна #сулустаргтэ диэн бэлиэтиэхтээхтэр. Страница аһаҕас буолуохтаах.
Сүүмэрдиир түһүмэххэ 15 кыттааччыны талыахтара. Оттон финалга биэс бастыҥ тахсыаҕа.
Күрэх дневнига «Саха» НКИХ ханаалга көстүөҕэ. Кыайыылаах аата кулун тутар 27 күнүгэр Muus uSTAR бэстибээл кэмигэр «Триумф» стадиоҥҥа биллиэҕэ.
Бэстибээл генеральнай спонсора «Эльгауголь» хампаанньа. Тэрийээччилэр СӨ Бырабыыталыстыбата, «Синергия» Корпорация.
Сиһилии иһитиннэрии: http://sakhaestrada.ru/news/v-yakutii-27-marta-sostoitsya-pervyj-molodyozhnyj-festival-muus-ustar/, https://muusustar.ru/
edersaas.ru