Култуура

Эстрада тыйаатыра иккис саалаланна

Юрий Платонов аатынан Судаарыстыбаннай эстрада тыйаатыра сайдар аартыгы тутуһар.

Санатар буоллахха,  2019 сыллаахха тыйаатыр Ленин проспегар  турар «Европа” түүҥҥү кулуупка көспүтэ. Иһин киһи билбэт гына уларытан өрүөмүөннээбиттэрэ. Итинэн  эрэ муҥурдамматылар. Ол курдук, бу күннэргэ эстрада тыйаатырыгар ураты акустическай сааланы үлэҕэ киллэрдилэр. Саҥа саала 73 миэстэлээх,  өрөмүөнү 2 сыл устата туруулаһан ыыттылар. Түргэнник бүтүөҕэр коронавирус дьаҥа мэһэй буолбут.

Тыйаатыр уус-уран салайааччыта Мария Герасимова: «Икки саалаланаммыт үөрүүбүт муҥура суох. Кэҥээтэбит.  Акустическай саала оҥоһуллан үлэҕэ киирбитэ олус үчүгэй. Ол курдук, тыыннаах муусука доҕуһуоллаах кэнсиэртэр, испиктээктэр ыытыллыахтара», — диэн санаатын  үллэһиннэ.

 

 

0
0
Telegram @edersaas20