Коронавирус дьаҥа чугуйар санаата суох. Бу дьыаланы быһаарсар эспиэрдэр ыарыы Арассыыйаҕа 2022 сыл тохсунньутун бүтүүтэ намырыырын туһунан этэллэр.
«Биһиги ыарыы долгуна хаһан саҕаланарын этэр кыахпыт суох эрээри, хаһан түмүктэнэрин быһаарар кыахтаахпыт. Инфекционнай ыарыылар, үгэс быһыытынан, түһүмэхтэринэн тарҕаналлар. Холобур, коронавирус түһүмэҕэ, ортотунан, 4-6 нэдиэлэ уһуннаах буолар. Өскөтүн ыарыы долгуна алтынньы эбэтэр сэтинньи ыйдар бүтүүлэригэр саҕаланнаҕына, кутталлаах дьаҥ тохсунньу тымныыларыгар уонна Саҥа дьыллааҕы уһун өрөбүллэргэ дьон уопсастыбаннай миэстэлэргэ сылдьыылара аҕыйыырыттан сылтаан тохсунньу бүтүүтэ намтыаҕа», — диэн ТАСС-ка ДНКОМ молекулярнай-генетическэй чинчийиилэргэ научнай киинин генеральнай дириэктэрэ Андрей Исаев иһитиннэрбит.
Андрей Исаев этэринэн, билигин Арассыыйа үрдүнэн ыарыы уопсай көрдөрүүтэ үрдүү турар. «Үһүс долгун төрдүс эрэгийиэҥҥэ билиннэ. Москваҕа, биһиги быһаарыыбытынан, коронавирус туруга син этэҥҥэ курдук», — диэн генеральнай дириэктэр быһаарар.