Бэлиитикэ Маны аах

Эспиэр: «Саха сирин стратегическай суолтата улаатан иһэр»

“Уһук Илин эрэгийиэннэрин экэниэмикэтэ үксүгэр сиртэн хостонор баайдарга тирэҕирэр. Ол эрээри, Саха сирэ мантан атын суолу тутуспут. Сиртэн хостонор баайы хостооһуну улаатыннарарын тэҥэ, өрөспүүбүлүкэ инновационнай технологиялары сайыннарар”, — диэн “ИНСОМАР” бэлитиичэскэй анаалыска дириэктэрэ Виктор Потуремскай санаатын үллэһиннэ.

Эспиэр этэринэн, саҥа үөскээбит геобэлитиичэскэй балаһыанньаҕа Арассыыйаҕа Саха сирин стратегическай суолтата улаатан иһэр. Онно сонун, атын суоллары көрдүүрэ кэрэхсэбиллээх.

— Уһук Илин атын эрэгийиэннэрин кытары тэҥнээтэххэ, сыыппара эйгэтигэр Саха сирэ инники күөҥҥэ сылдьара көстөр, үчүгэй түмүктэри көрдөрөр. Аныгы технологиялары сайыннарыы экэниэмикэҕэ эрэ буолбакка, социальнай эйгэҕэ эмиэ суолталаах, — диэн Виктор Александрович этэр.

Политолог этэринэн, көдьүүстээхтик салаллар, улахан бырайыактары үлэлэтэр эрэгийиэн стратегическай суолтата үрдээбитин туоһутунан премьер-миниистир Михаил Мишустин бастакынан кэлэн, билсэн-көрсөн, инники үлэни торумнаан барбыта буолар.

Оттон политолог Айсен Николаев бэлитиичэскэй хапытаалын сыаналыырыгар Ил Дархан Социальнай чинчийии эспиэрдэрин института оҥорор «Губернаторы новой волны» испииһэгэр киирэрин санатта. Бу испииһэккэ үрдүк көрдөрүүлээх, чахчы көдьүүстээх, түмүктээх үлэлээх улахан салайааччылар киирэллэр.

Айсен Николаев төрөөбүт дойдута буолан, эрэгийиэн бары уратыларын ис-иһиттэн билэр, дьон тугунан тыынан олорорун, туохха наадыйарын өйдүүр. Онон ис сүрэҕиттэн кыһаллан, кыһалҕалары туоратарга элбэҕи оҥороро, эрэгийиэни сайыннарара көстөр, — диэн Виктор Потуремскай бэлиэтээтэ.

Ангелина Васильева, “Саха сирэ” хаһыат”, edersaas.ru

Хаартыска: sakhagov.ru

0
0
Telegram @edersaas20