Эспиэр коронавируһу утары быһыыны ылыы Арассыыйаҕа булгуччулаах буолуохтаах диир
«Хамсыгы тохтотор туһуттан коронавируһу утары быһыыны ылалларыгар эбээһинэстиэххэ», — диэн В.А. Энгельгардт аатынан Молекулярнай биология институтун килиэккэлэри пролиферациялааһын лабораториятын сэбиэдиссэйэ, РНА чилиэн-кэрэспэдьиэнэ, бэрэпиэссэр Петр Чумаков “Радио Россия” эпиирин кэмигэр эттэ. Бу туһунан ТАСС иһитиннэрэр.
“Быһыыны күһэйэн туран туруортарыахха дии саныыбын, итини биллэн турар, соччо кэрэхсээбэттэрэ буолуо. Билигин утарылаһа олорор дьон туһугар маннык гыныахха, кинилэри быһыыны ыларга күһэйдэххэ, кэлин махтаныахтара”, — диэтэ кини.
Бэрэпиэссэр дьону быһыыны ылымаҥ диэн итэҕэтэр быраастар дипломнарын быһыахха наада диир.
Бу иннинэ доруобуйа харыстабылын миниистирэ Михаил Мурашко көҕүлүүр миэрэлэри киллэрбиттэрин кэннэ коронавируһу утары быһыыны ылыы тэтимэ Арассыыйаҕа 4-5 төгүл үрдээбитэ диэн эппитэ.
Хамсык саҕаланыаҕытан аан дойдуга 249,6 мөл киһи бу дьаҥҥа сыстыбыта, 5 мөл тахса киһи өлбүтэ. Арассыыйаҕа коронавируһу бохсууга федеральнай суһал ыстаап чахчытынан, 8 795 095киһи ыалдьыбыт, 7 561 978 үтүөрбүт, 246 814 киһи бу Орто дойдуттан барбыт. РФ Бырабыыталыстыбата дойдуга балаһыанньа туһунан иһитиннэрэргэ стопкоронавирус.рф ресурсаны үлэлэтэр.
Хаартыска: тустаах саайтан
Бэлэмнээтэ Женни Стрюкова