Сүрүн Уопсастыба

Өрүстэргэ көмүөл мууһа холкутук устар

Ыам ыйын 6 күнүгэр сарсыарда 10 чаастаах чахчынан, өрүстэр муустарын хамсааһына эриэ-дэхси.

edersaas.ru

Өлүөнэ өрүскэ көмүөл Ленскэй улууһун сиринэн устар. Муус алын кырыыта Маача таһынан, Өлүөхүмэ куораттан 170 км. сиринэн, үөһээ өттө Ленскэй Мурьятынан көстөр. Уу таһыма 358 см. буолла. Өлүөхүмэ к. уу таһыма (түөрт чаас устатыгар 4 см эбилиннэ). Өлүөхүмэ – Хатынг Тумул хайысханан өрүс чугастааҕы үс сууккаҕа, 8-11 хонугунан урутаан, эстэрэ күүтүллэр. Дьокуускай куорат аннынан көмүөл ыам ыйын 10-13 күннэригэр устара сабаҕаланар.

Өлүөхүмэ өрүскэ көмүөл алын кырыыта Троицкайынан, үөһээ кырыыта Дьиикимдэнэн устар. Уу таһыма 440 см. Алдан өрүс мууһа Суон Тиит таһынан устар, уу таһыма 292 см. Учур гидропоһунан муус бу күннэргэ хамсыаҕа. Томмот аннынан өрүс ыам ыйын 10 күнүгэр эстиэҕэ.

Амма өрүскэ көмүөл Алдан оройуонугар, Бууйаҕа гидропост таһынан устар, уу таһыма 201 см. тиийдэ. Амга сэлиэнньэтин аннынан уу таһыма 506 см. Амма гидропоһугар муус ыам ыйын 7-8 күннэригэр, 5-6 хонугунан урутаан хамсыыра кэтэһиллэр.

Бүлүү өрүс Сунтаар аннынан ыам ыйын 5 күнүгэр эһиннэ, уу таһыма 676 см (кутталлаах кирбиитэ 1330 см.). Үөһээ Бүлүү – Бүлүү хайысханан өрүс ыам ыйын 8-9 күннэригэр эстиэҕэ.

Хаар Балаҕан үрэҕэ кутталланан, Горнай улууһун Солоҕон нэһилиэгэр Ыксаллаах быһыы-майгы эрэсиимэ биллэриллибит. Бу сарсыарда уу таһыма Өрт аннынан кутталлаах кирбииттэн намыһаҕа бэлиэтэннэ.

Николай Фатеев, «СӨ Быыһааччыларын сулууспата»

СХТ уопсастыбаннаһы кытары үлэҕэ исписэлиһэ.

0
0

Добавить комментарий