Соторутааҕыта оскуола оҕолоругар уонна кинилэр уһуйааччыларыгар аналлаах «Эргиэн» диэн дьыалабыай бизнес-оонньуу буолан ааста.
edersaas.ru
Сыл аайы ыытыллар тэрээһини СӨ Үөрэх министиэристибэтэ өйүүр. Бизнес-оонньууга улуустартан оскуолалар бизнес-инкубатордарыгар дьарыктанар оҕолор уонна кинилэр уһуйааччылара кытыннылар.
— Бизнес-слекка өрөспүүбүлүкэ 15 улууһуттан кыттыыны ыллылар. Оҕолору урбаан дьыалатыгар уһуйар тэрээһини И.И. Фадеев аатынан үп экономическай колледжа тэрийдэ. Дьыалабыай бизнес-онньуу түмүгэр улуустары күүстээх уонна мөлтөх өрүттэрин ырытан, хайысхаларынан 5 сүрүн бөлөххө араардыбыт.
Оҕолор уонна кинилэри уһуйааччылар Тыа хаһаайыстыбатын министиэристибэтин кытта оскуола бизнес-инкубатордарын уонна агрооскуолалар бородууксуйаларын батарыыга өйөбүлү оҥороллоругар сөбүлэҥи түһэрсиигэ үлэлэһэргэ диэн слет быһаарыытын ылыннылар, — диэн бэлиэтиир дьыалабыай бизнес-оонньуу ааптара Семен Посельскай.
Тэрээһин түмүгүнэн актыыбынай кыттааччыларга «Саҥа саҕалаан эрэр урбаанньыт» уонна «Бастыҥ наставник» номинацияларга наҕараадалааһын буолла.
Анжелика АЛЕКСЕЕВА, «Саха сирэ» хаһыат, edersaas.ru