Эргиэн үлэтигэр бастыҥнары талыахтара

Ааптар: 
Бөлөххө киир:

2022 сылга эргиэн үлэтигэр, уопсастыбаннай аһылыгы тэрийиигэ уонна онлайн-маҕаһыыннарга бастыҥнары  таларга, «Лучшее предприятие торговли 2022 года», «Лучшее предприятие общественного питания 2022 года» уонна «Лучший онлайн-магазин 2022 года» диэн өрөспүүбүлүкэтээҕи күөн күрэс биллэрилиннэ.

Күөн күрэһи СӨ Предпринимательствоҕа, эргиэҥҥэ уонна туризмҥа министиэристибэтэ тэрийэр.
От ыйын 16-20 күннэригэр куоластааһын ыытыллар, ол түмүгүнэн кыайыылаахтар быһаарыллаллар.
Бу туһунан СӨ Предпринимательство, эргиэн уонна туризм министиэристибэтин официальнай саайтыгар сиһилии көрүөххүтүн сөп.
Маннык күрэс дьон-сэргэ наадыйыытын, ирдэбилин толоруу култууратын үрдэтэр соруктаах ыытыллар. Үлэлиир сир ис-тас көстүүлэрэ, дьону-сэргэни көрсүү, үлэни толоруу хаачыстыбата, аныгы технология, үлэһиттэр формалара,  о.д.а. сыаналанар. Маны сэргэ, ирдэбили, быраабыланы тутуһуу, социальнай суолталаах уонна үтүө санааланыы аахсыйаларыгар кыттыы, уо.д.а. көрүллэр.
Куонкурус саҥа, сонун санааны, сүүрээни үлэҕэ-хамнаска киллэрэр туһуттан, СӨ атыы-эргиэн уонна уопсастыбаннай аһылык күнүн иитинэн 2020 сылтан ыытыллар.
Былырыын  «Лучший работник торговли и общественного питания» күрэс ыытыллыбыта. Кыайыылаахтарынан «Панда и журавль» эрэстэрээн управляющайа Надежда Нурмухаметова, Дьокуускайдааҕы килиэп комбинатын «Мозаика» маҕаһыынын атыыһыта Анжелика Шакшуева, Үөһээ Бүлүү улууһун «Үйэ» сервистэн Едвокия Байанаева уонна «Оптимист» хампаанньа үп-харчы боппуруоһугар дириэктэрэ Мария Сыроватская буолбуттара.
Сиһилии тустаах министиэристибэ саайтыгар киирэн билсиҥ.
+1
0
+1
0
+1
0
+1
0
+1
0
+1
0
+1
0