Бэлиитикэ Маны аах

Эрэгийиэннэргэ эбии 6 млрд солкуобайы ыытыахтара

Премьер-миниистир Михаил Мишустин РФ Бырабыыталыстыбатын бэҕэһээҥҥи мунньаҕар үстэриттэн сэттэлэригэр диэри саастаах оҕолорго көмө быһыытынан кэлэр харчы туһунан кэпсэттэ.

Санатан суруйдахха, былырыыҥҥыттан саҕалаан РФ бэрэсидьиэнин сорудаҕынан үстэриттэн сэттэлэригэр диэри саастаах оҕолорго көмө быһыытынан ый аайы босуобуйа төлөнөр. Бу көмө быйылгыттан дьиэ кэргэн дохуотуттан, төһө баайдааҕыттан-дуоллааҕыттан көрөн бэриллэр буолбута.

“Быйыл бырабыыталыстыба бу көмөнү биэриигэ саҥа быраабыланы киллэрбитэ. Көмөнү дьиҥ-чахчы наадыйар дьиэ кэргэн ылыахтаах. Онон дьиэ кэргэн дохуота, төһө баайдааҕа-дуоллааҕа манна ааҕыллыахтаах. Саҥа быраабыланан бу көмөҕө наадыйар дьон оҕоҕо эрэгийиэҥҥэ быһыллыбыт тиийинэн олоруу алын кээмэйин 50, 75 эбэтэр 100 % ылыахтарын сөп. Быйыл бу сыалга анаан 305 млрд солкуобай көрүллүбүтэ. Бу күннэргэ эрэгийиэннэргэ өссө эбии 6 млрд солкуобайы ыытыахпыт. Туһааннаах дьиэ кэргэҥҥэ бу көмө олус наада”, – диэн иһитиннэрэр Михаил Владимирович.

Аграфена КУЗЬМИНА.

0
0