Владимир Путин этиитин дьон-сэргэ хаһааҥҥытааҕар да кэтээтэ. Бэрэсидьиэн үлэлээбэккэ олорууну муус устар 30 күнүгэр диэри уһатарга диэтэ.
edersaas.ru
Хамнас төлөбүрүн оннунан хаалларан туран. Уонна эрэгийиэннэргэ бу улахан дьаҥтан үөскээбит балаһыанньа арааһын аҕынна. Төһө да федеральнай, куорат улахан болҕомтотун уурбутун үрдүнэн, холобур, Москваҕа балаһыанньа кытаанах. Уопсайынан, эрэгийиэннэргэ балаһыанньа араас-араас эбит. Билиҥҥитэ биир да ыалдьыы бэлиэтэммэтэх сирдэрэ эмиэ баар. Онон эрэгийиэннэр дойду Бэрэсидьиэнин дьаһалыгар олоҕуран, бэйэлэригэр үөскээбит балаһыанньанан, дьаҥы бохсууга эбии дьаһаллары ылыахтара диэн чопчулаата. Чуолаан, ханнык тэрилтэлэр үлэлэрин тохтотору. Оттон былаас уорганнара, мэдиссиинэ тэрилтэлэрэ, аптекалар, бастакы уочарат наадалаах табаары атыылыыр маҕаһыыннар, олох-дьаһах үлэтин хааччыйар сулууспалар тигинэччи үлэлиэхтэрэ диэтэ. Үөрэх, наука тэрилтэлэригэр сыһыаннаах чочпу миэрэлэри ылыналларыгар федеральнай тэрилтэлэрин кытта сөбүлэһиннэриэхтэрэ ирдэннэ.
Женни СТРЮКОВА, edersaas.ru